أصولي بقلم الشاعر سليم شلهوب

أصولي



يا جيش بلادنا تغاوى بفخارك
لأنك بالوطن وحدك شمولي
تا تحمي شعبك سْترجع قرارك
اللي منّك صادرو حاكم وصولي
إنت من دمّك بتملي جرارك
تا تروي تربة الأرزه البتوله
وهني بيلعبو عا إنتصارك
تا يستولو على الكرسي بسهوله

إنت مقدام وبتروي خبارك
رجالك بالشجاعه والبطوله
وهني عكس عنّك في مدارك
رجال. وفاضيين من الرجوله

إنت موحّد وواضح مسارك
ما في عندك عماله ولا عموله
وهنّي قسّمو شعبك ودارك
بإسم فادي الورى وطه الرسولي

وتا تفرض عالخصم هيبة وقارك
بإراده مبولده وطلّه مهوله
قلّو للأصولي بإعتبارك
أنا بالعكس عنّك في ميولي
كفاك تردّنا في إندحارك
لبني عثمان والعصر المغولي
إذا كنّك أصولي في خيارك
أنا بحب الوطن أكتر أصولي