قصيدة " قميص النوم" الشاعر سليم شلهوب

يقول الشاعر : اضطريت في إحدى الليالي إلبس قميص نوم
وكنت خارج البيت باستضافة أحد الأصدقاء




وفجأه عا صدري سمعت صهلة خيل
من ميل صرخه والصدى من ميل
من لهفتي مدّيت إيدي عالسهول
لقيت السهول تكوّمو وصارو رُبى
حسّيت نفسي سكرت بخمر الميول
وما عاد فيها لا شموخ ولا إبا
ومتل شي خابي من الخمر العتيق
نْدلقِت على شفافي
تا صار تمّي رماد من وهج الحريق
وتشعّلو كتافي
وصارو عيوني يشربو العتمه
ويحولوها شب شهواني عنيف
صرلو شهر مش دايق الطعمه
وفجأه عيونو فتّحو وشافو رغيف
ودقرو جريّي ببعضهن
وسمعتهن بيعيّطو
وبيشربو نبيد الصّبا
وحسّيت متل الكهربا
صارو جريي يشرقطو
يا قميصي الأبيض الشفاف
كل جسمي منّك بينشاف
جسمي ؟ عجيبه ناعم ودافي
سْتحليت منّو إطعم شفافي
تغيّرت جسمي صار بيشهّي
وما عاد فيّي سكّت لحافي