فصيدة " أنا لبناني" بقلم "طانيوس أندراوس"

إنت مين ..... ومن وين ؟؟؟؟

أنا إبن الجنوب...
إختي بيروت .. خي النبطية..
بتنفس شمال ...
دقات قلبي بقاعية...
دمي جبل لبنان ...
أنا لبناني.....
ــــــــــــــــــــــــــــــــــ
أنا لبناني..


أنا لبناني
من قلب لبنان
بعشق سما لبنان
أنا إبن الأرزة
مجبول بتراب الوطن
بحترم كل إنسان

أنا إبن هاك التلة والوادي
أنا إبن هاك الجبل من نبعو شربان
أنا بالسما عصفور شادي
بغنّي لإسمك أجمل الألحان
سهولك الخضرا جمال مش عادي
لوحات مرسومة بأجمل الألوان
أنا ضد الطائفية بنادي
لا تفرقوا يا ناس بالأديان
بدعي لرب السما يمد الأيادي
ويحمي شعبك من القهر والحرمان
أنا صخرة بوج الأعادي
بحميك من الغدر والطغيان
أنا شوكة بعين تطلع زيادي
بشبر من أرضك وين ما كان
أنا بحبك لحدود العبادي
وإنت فخر ع صدري معلقك نيشان
وأكبر تحية لجيشنا الفادي
لروى بدمو تراب الوطن بكرامة وعنفوان
وأنا على حبك عم ربي ولادي
يصرخوا بأعلى صوت يا لبنان