قصيدة"حوريّه"للشاعرسليم شلهوب

حوريّه

سافرت عا أبعد مدى لهونيك
وكنت فتكرتك رحت من بالي
طبّقت عيني عليك تا إمحيك
من سوء حظي شفتك قبالي
وقلت حتى هالقلب يرتاح
قْفلتو ورميت القفل بالشبكه
شلحتو بموج البحر والمفتاح
شفتو بعيني بَلِعْتو السمكه
ما عرفت كيف غمرتني غمره
عا وهجها تفتّق جروح جداد
ومن فرد غمره تولع الجمره
بقلبي بعد ما الجمر صار رماد
تخمين بعدك إنت ما فكّرت
من حبّ لوّعني نقي دمّي
بعود عنّي. بعد ما تحرّرت
ما بريد إحمل همّك وهمّي
تاري إنت حلوه بعتها الرّب
جسما عا مَيْله إنس ميله جنّ
ردّت مفاتيح القلب تا الحب
يرجع بعد ما عقلت فيي يجنّ
من وين جيتي من هدير البحر ؟!!!
زتّك عا دربي الموج حوريي
مدري قصيده حروفها من السحر
نْكتْبت ببالي بحبر جنّيّه