قصيدة "بليلة سهر" بقلم طانيوس أندراوس

المدير العام عدد المساهمات : 968

بليلة سهر

بلَيْلِة سَهَرْ
ما طل فيها
القَمَرْ
لا شفت نورو
هَلْ
ولا جمالو
طَلْ
وعلى غيابو
دَقْ عَ بابي
الضَجَرْ
وصارِتْ العتمات
تِمْحي صدى
حكايات
رَسَمْها القَدَرْ
وِنِسْيِت عيوني
تِنْدََه الغَفْوة
وصارْ النوم
لوحات وصوَر
تـ تعب الليل
وما تِعْبِتْ جفوني
ْنِعِسْ السَهَر
وما نِعْسِتْ عْيوني
من بين
كل البشر
وصارت الأحلام
تندهلي وما نام
تـ ضاع الحِلم
والقلب انكسر