بتتعب إذا بترتاح بقلم الشاعر سليم شلهوب

بتعب إذا برتاح



قلّي القلم شو مجرم سكوتك
عطّشتني وجوّعتني شو باك
سقيني حبر من دمعة بيوتك
جوعان صرلي شهر مستنّاك
ما بحبّ إشبع غير من قوتك

قلت: شو تخمين إنت نسيت
في ناس عم بيقرصنو عليي ؟!!!
كل ما أنا إبكي. وإنت بكيت
عم يسرقولي دموع عينيي
لا تعتب عليي إذا ما حكيت
وحبست نهدة كلمتي فيي
لما كنت ضمّك عليك قسيت
وعصرتك بصابيع إيديي
واليوم غفّيتك قبل ما غفيت
وسفّرتك بأحلام عينيي
راضي بسكوتي وحضرتك ما رضيت
شو باك متل الساكنك أشباح
متلي أنا بتتعب إذا بترتاح
دخلك رْتاح وريّح شويّي