قصيدة "عيني هي" لشاعر الإحساس فادي قباني

عيني هي

عيني هي

ورايحة تا تنام
ميلت عادفتر
كل الأماني
بقلبو مخباية
فتحتو...
لقيت وراق
بالحب معتقة
والوردة ال منك
غفوة دفا غفياني
وحروف معمشقة
عا سطور الهوى
من لهفتها سكرانة
فيقت الكلمات
و عالهدا ..
هجيت اسمك ..
وزكزكت الوراق
فاح العطر من تمك
تنهدت الوردة
وببسمة فرحانة
تمتمتلي بحنيي
وبوست عينيي
وقالت...
بعدك يا ولفي
كل ليلة هيك
لا بتهدا ولا بتنام
غير ما تفتح قلبك
وتفلفش بهالكتاب
كرمال تسقي
روحي العطشانة؟
فادي قباني