وحدو حبيبي اللي احترق بالمي / بقلم الشاعر سليم شلهوب

وحدو حبيبي اللي احترق بالمي



دبلت ورودي رفيق عمري مات
ودمع عيني جرّح الوجنات
يا رب بيكفي شقا ودموع
ليش عم بتوجّع الموجوع
ما عاد يتحمّل بقا ويلات

كان جنبي من قبل ما يموت
وصوتو بدينيي صدى منحوت
بيحكي وقت ما بأمرو يحكي
بتنزل دموعو وقت ما ببكي
بيسكت إذا بقلو عطيني سكوت

غابو حبابي وضل وحدو رفيق
شريك عمري بالهنا والضيق
والصبح صوتو بيخرق ظنوني
وبيسفّر الغفوه من عيوني
وإلا عا صوتو مش معوّد فيق

هاجر عا تاني بلاد من هالحي
وراح وتركني بين ميت وحي
وحياتكن ما عرفت شو اللي صار
الناس كلا بتحترق بالنار
ووحدو حبيبي اللي احترق بالمي